Институтот за епидемиологија и биостатистика со медицинска информатика, Медицински факултет, УКИМ – Скопје во соработка со Министерствотот за здравство на Република Северна Македонија, согласно Националната годишна програма за јавно здравје на Република Северна Македонија од 2023 година започна со организирање и спровеување на интерактивни обуки за спречување и сузбивање на болнички инфекции наменети за помошно-техничките лица одржувачи на хигиена. За таа цел по барање на Министерствотот за здравство на РСМ од здравствените институции беа определувани лица од профилот хигиеничар кои ги следеа обуките. Интерактивните обуки беа во континуитет спроведувани секоја наредна година од нивното започнување во 2023 година.
Програмата по која се одвиваат обуките се состои од теоретски и практичен дел наменет за: хигиена на раце ( чекори за миење на рацете со сапун и вода, чистење на рацете со дезинфекционо средство како и сушење на рацете), правилна употреба на медицински ракавици и маски (ставање и вадење) и правилна диспозиција на медицинскиот отпад. Дел од обуката опфаќа и еден од најважните сегменти во работењето на секој профил работници, а тоа е професионалната комуникација и добрата организација на работното место. На досегашните обуки беа обучени вкупно оклу 150 лица.
За истите обуки, едукатори беа Проф. д-р Весна Велиќ Стефановска, Проф. Проф. д-р Бети Зафирова Ивановска, Проф. д-р Ирина Павловска, Асс. д-р Љубица Димитриевска, д-р Милена Гривчевска Илиевска и Асс. д-р Драган Кочински.